Mizorama Medical College hmasa ber ni tur, Mizoram Institute of Medical Education & Research (MIMER)-ah August ni 8 atangin MBBS zirna Class kal tan a ni dawn tih Health Minister, Pu Lal Thanzara’n a sawi.

0
437
views

He thu hi vawiina Chief Minister Office, Conference Hall-a thuthar thehdarhtute a kawmnaah sawiin, Pu Lal Thanzara chuan Medical College atana inbuatsaihna chu peihfel thawkhat tawh niin a sawi a, Supplier-ten furniture leh hmanraw \henkhat an la dah kim rih lo tih loh chu harsatna a awm tawh lo tih a sawi a ni.
Minister chuan MIMER hi karleh Thawhlehni hian Chief Minister, Pu Lal Thanhawla’n a hawng dawn a, a tuk Nilaini a\angin Orientation-a Class \an nghal a ni ang a, tun thla ni 20 vel a\angin Regular-a Class hi kalpui \an hman tum niin a sawi a ni.

Health Minister \awiawmtu Department hotute sawi danin, MIMER-ah hian MBBS Seat 100-a bul \an tur a ni a, seat awm zawng zawng a\anga 70 chu Mizo zirlaite tan dah niin, seat 15 chu Central Pool leh a bak seat 15 dang chu NRI Quota-a dah a ni a. Vawiin thleng hian Mizo zirlaite seat chan tur 70 zinga 62 te tan Admission tihfel tawh a ni a, NRI Quota seat 15 zinga 11 Admission tih fel a ni tawh bawk a, Central Pool atana seat 15 dah pawh tihfel tawh niin seat chang turte pawh thlan fel vek tawh nimahse, Admission ti an la awm lo a ni.
MIMER atan hian zirtirtu 79 lak tawh niin, an ni bakah hian zirtirtu ni lo, MIMER-a thawk tur tho Doctor 12 lak tawh a ni a, heng zawng zawng hi zirtirtu mamawh zat a\anga zaa 75 vel a tling tawh a, tunah hian zirtirtu dang la tura inbuatsaih leh mek a ni a, hei hi tihfel a nih hunah chuan zirtirtu mamawh zawng zawng neih theih a nih tawh beisei a ni tih Department hotute chuan an sawi.

Zawhna chhangin MIMER hotute chuan, Admission tih theih hun hi August thla chhung hawn a nih tur thu leh Central Pool leh NRI Quota-a seat dahte chu hnawh khattu an awm lo a nih pawn tualchhung zirlai a\anga hnawhkhah a nih tur thu an sawi a. MIMER-ah hian Department 3-a bul \an phawt tur niin, 2nd Year a\anga chuan Department 5 hawn a ngai tawh dawn a, a pumpuiah Department 22 vel hawn a ngaih tur thu leh hemi atana sum sen ngai zat chu kum khatah cheng vaibelchhe 50 vel a ni dawn a. Hei hi a hautak dawn avangin sorkar chuan a huphurh hle tih Health Minister, Pu Lal Thanzara chuan a sawi a, hetihrual hian Medical College chu changtlung taka kalpui tura \an lak a nih tur thu a sawi. MIMER-a zirlaite zirna hmanrua atan tunah hian mihring ruang 6 neih a ni tawh a, hei hi kum 1 chhunga zirlai 100-te tla tawk tura ngaih a ni a, MIMER-a zirchhuakte tan Post Graduate zir harsa tur anga mi \henkhatin an sawi pawh thudik lo nia sawiin, MBBS seat hi MCI remtihnaa tihpun zel tum a nih thu leh PG zir theihna pawh hawn tum a ni tih sawiin, tunah hian Aizawl Civil Hospital-ah Post Graduate zir theihna Subject 5 – Paediatric, Medicine, Surgery, Gynae leh Anesthesia neih mek a ni. Heng Department-ah te hian zirlai 24 awm mekin, mi 8-in an zirchhuak tawh niin an sawi a ni.

Zawhna chhangin Health Minister chuan Aizawl chauh ni lo Mizoram hmun hrang hranga Doctor leh thawktu dang indaih lohna nia sawi chu thudik a nih thu leh a bikin Aizawl Civil Hospital-ah pawh Doctor an indaih lo hle niin a sawi a, tunah hian Falkawna Referral Hospital-a sawn phei tawh Doctor \henkhat chu Aizawl Civil Hospital lama sawn let leh tawh a ni a, Doctor indaih lohna zualpui phuhru tur hian Specialist 5 leh Medical Officer 30 lak phalna sorkar-ah dil mek a ni a, hei bakah hian MPSC kaltlang kher lovin Staff Nurse 70 an zirchhuah a\anga an Senior dan indawta la tura ruahmanna kalpui mek a ni tih Pu Lal Thanzara chuan a sawi bawk.