MNF General Headquarters-in Congress Legislature Party Leader Pu Zodintluanga chu a MLA puite leh mipui zah loah an puh.

0
15
views

MNF party hian, Pu Zodintluanga’n nimina Press statement a siamah sorkar hnathawkten an hlawh atanga zaa 10 leh zaa 5 covid 19 dolet nan an thawh tur chu lawmawm a tih thu a sawi hnuah Minister leh MLA te chu hma hruai lo nia sawiin na takin a dem a ni an ti a, sorakar hnathawkten thutlukna an siam hma hian Minister ten chawlhkar hnih hlawh leh MLA ten karkhat hlawh Chief Minister’s Relief Fund-ah an lo pe tawh a, pek chhunzawm dan tur pawh Thawhtanni khan Assembly Speaker hovin party tin aiawh MLA ten an sawi ho leh a ni an ti a, an ngaihdan leh duhdan te sawi ho leh tura thutkhawm koh leh hmabak anih mek laia Congress Legislature Party Leader Pu Zodintluanga thusawi chu a puitlin loh thlak hleah an ngai tih an sawi.

MNF party hian hri leng do let na turin pawl, mimal leh kohhran ten Chief Miister’s relief fund ah sum tam tak an thawhkhawm chu lawmawm an tih thu an sawi a, tun hnaiah sorkar hnthawkten an theih ang tawk thawh dan tur an rel leh ta chu ropui an tih thu an sawi a, Sorkar pawhin a sum bawm atangin cheng vaibelchhe tam tak a hman tawh thu Chief Minsiter pawhin a lo sawi tawh a ni an ti.