MNF Party in Lok Sabha inthlanna-a an candidate tur chu Pu C Lalrosanga a ni tih leh Aizawl West-I biala an candidate tur chu Pu Zothantluanga a ni tih an puang.

0
260
views

MNF party candidate tur te hi vawiina Hnam Runah inkhawmah party president Pu Zoramthanga, Chief Minister nibawk in a puang a, Lok Sabha inthlanna-a an candidate tur Pu C Lalrosang hi Doordarshan Director General hlui, Tuikual North-a cheng a ni a, Politics-a inhmahnawihna la nei ngai lo a ni.

Aizawl West-I bial Bye Election-a an candidate tur Pu Zothantluanga hi Aizawl Zotlang venga cheng, MNF party-a Adviser nilai a ni a, MZP hruaitu hlui a ni a, kum 1998 Assembly inthlanpuiah khan Aizawl West-II bialah Congress Candidate a lo ni tawh bawk.

An party Candidate tur puangtu Pu Zoramthanga chuan, Lok Sabha inthlanna leh MLA Bye Election a an party awiawh tura an thlan chuahte chu Nomination Committee in Pathian rawn chunga \ha an tih tlan ber an thlanchhuah an ni tih a sawi a, inthlan an hmachhawn turah an elpui ten kawng hrang hrangin an bei leh dawn niin a sawi a, BJP nen pawh hmehbel an ni leh dawn a, an pary chu NEDA leh NDA a tel an nih thu te an rawn sawi leh dawn tih a sawi a, hetihlai hian ZNP leh MPC te chu NDA a tel an ni ve tho tih a sawi.

Pu Zoramthanga chuan, MNF chu BJP thu thuin an awm dawn lo niin a sawi a, tun \um inthlan turah pawh BJP in Candidate hran an nei dawn a, an thawk dun dawn lo tih a sawi a, MNF chu ram leh hnam humhim nan India sorkar pawh do ngam a ni a, ram leh hnam himna ngaihpawimawh bera neitu an nih avangin huaisen takin an kal zel dawn niin a sawi.

MP atana an party Candidate Pu C Lalrosanga pawhin thusawiin ramchhungah hmasawnna a inkhairual lo hle tih a taka hmutu anih thu a sawi a, state dangte hmasawn chak zia a hmuh \hin thu sawiin, Mizoram tan a rualawh \hin thu a sawi a, MNF party kaltlangin ram leh hnam rawngbawl turin Pathianin kawng a hawnsak nia a ngaih thu a sawi.

Pu C Lalrosanga chuan, MP a thlantin a nih chuan Citizenship Ammendment Bill 2016 chu na taka a dodal a tum thu a sawi a, sakhaw zalenna nekchep zawnga hmalakna a awm nih chuan a do let tlat dawn tih a sawi.

Aizawl West I bye-Election-a MNF party candidate Pu Zothantluanga pawhin thu sawiin, party pahnih \angdunin beihrawn mahse Pathian chakna hmachhuanin inthlannaah chak ngei tuma \an lak a tum thu a sawi.