MNF President Pu Zoramthanga’n, Zoramthar tlangaupuitute leh an party thil tum a inang niin a sawi

0
259
views

An party office Mizo Hnam Run-ah vawiin khan thu sawiin Pu Zoramthanga chuan Zoramthar tlangaupuitute chuan Pathian thu hmangin an bei a, MNF chuan politics hmangin a bei thung a ni a ti. Pu Zoramthanga chuan Mizo hnam hmangaihna thinlung, Nationalism leh nunzia culture chawisan-a a awm hunah Mizoram a\angin hnam dang party chu um bo an ni dawn niin a sawi a, kumin Assembly inthlanpuiah thuneihna an chan chuan, Pathian duh danin Mizo hnam thuthlung leh Culutre chu chawisan a ni dawn niin a sawi a, hnam dang party umboin, corruption leh zu avanga thihnate pawh an umbo dawn niin a sawi a, Mizoram a\anga malsawmna hai chhuah te chu MNF tan chauh ni lo, Mizo mipui zawng zawng huap a ni dawn niin a sawi bawk. Pu Zoramthanga hian an party zawm thar te a lawmlut nghal bawk a ni. Inkhawm hi an party PAC member Pu F.Aithanga’n a kaihruai a ni.