|anpui ngaite an bana kaih, Hand Holdong Policy hmangin Mizoram an siam\ha dawn nia sawiin, |angrual Pawlin kuthnathawktute ngaihsak tura an tiamna chu \awngka mai ni lovin, a takin an lantir dawn tih a sawi. Pu Lalduhoma chuan, Mizoramah leilet a tana siam theih ram awl la siam loh \hahhnem tak a la awm nia sawiin, buh leh bal \hahnem tak thar theihna a awm chungin hlawhtling tur hmalakna tak tak a awm lova, hmalak chhunte pawh vil zui a nih ngai lova, an vil zui dan ber chu an party mi an ni em tih zirchian chauh a nih thu sawiin, tun dinhmuna kuthnathawktuten ngaihsak an hlawh dan chu hetiang hi a la nih avangin ZPM chuan a takin hma an la dawn a, kuthnathakwtu, a bikin \halaite tan kawl a eng dawn niin a sawi. ZPM Chief Ministerial Candidate chuan, sem policy chungchangah amah ngei pawhin thlemna a tawh \hin thu sawiin, sem policy hian hmasawnna a thlen loh avangin ZPM chuan taima leh rim taka thawh turin an zirtir dawn tih a sawi. Israel lal, Lal Solomon-an mipui tan a tawngtai angin ram hruaitute hi mipui tan tawngtai ve thin se a duh thu pawh sawiin, Pu Lalduhoma chuan, mipuite chu ram hruaitute tan an \awngtai nasat tehlul nen, tuna ram hruaitu ni mekte hi chuan mipui tan an \awngtai sak a rinawm loh niin a sawi.
He inkhawm hi ZPM General Secretary, Pu Phairothanga’n a kaihhruai a ni.
