Lok Sabha inthlan neih tura South Tuipui bial khaw hrang hranga Campaign beihpui a thlaknaah Dr R Lalthangliana chuan, ZPM leh ZNP leh tuna an sangawi zawnpui Congress chu BJP thawhpuitu zawkah a puh a, CADC inthlanah Congress in BJP thawhpuiin Sorkarna an siam a, Aizawl North III Bye Election leh AMC inthlanah Pu Lalduhoma’n BJP a thawhpui bawk a ni a ti a, MNF Party chuan eng inthlanah mah BJP ala thawhpui ngai lo tih hrechiangtu chu Zoram mipuite an ni a ti.
Dr R Lalthangliana chuan Kristianna leh sakhaw dodal zawnga chetna chu a tawp thlengin an party chuan a dodal dawn niin a sawi a, Citizenship Amendment Bill chu MNF aia do leh beilet nasa Mizorama political party dang an awm lo niin a sawi bawk a, sorkar beihna tur an hriat loh vanga CAB chungchang leh NDA chungchangte chu MNF Party beih nana hmangah eptu partyte a puh a ni.
