MPC Presdident, Pu Lalhmangaiha Sailo-in Covid -19 hri leng do kawngah Political party-te lungrual taka tan ho a ngaih laia mipui ngaihtuahna tibuai thei zawng leh thu dik leh dik lo hriat har khawpa party inbeihna awm mek chu tha lo a tih thu a sawi.

0
70
views

Thuchhuah a siamah Pu Hmangaiha hian, ring lo mi politician-te chin dan tha lo entawn a, Covid 19 hri leng kara party inpuh tawnna awm chu Kristian rama tihah chuan mawi lo hle-a a hriat thu a sawi a. Tun ang hun danglam, khawvelin a la tawn ngai loh hun thim tak hmachhawn mek karah, sorkar chak tawk lohna leh hmalakna fuh tawk lo leh eptu party te thlir dan felhlel awm thei chu party indona atan a hman loh a tha a ni a ti a, ram leh mipui himna atana do thuhmun an nei a ni tih hria a, lungrual taka hmalak tlan a pawimawh tih a sawi a, hetiang tur hian Sorkar pawh inhawng zau deuh deuh thei se a duh tih a sawi.

Pu Hmangaiha hian, State danga Mizoram mi tangkhang hruai haw tawh leh hruai haw hmabakte uluk taka enkawl tur leh an mamawh phuhru turin Mizoram sorkar a ngen a. Mipuite pawh heng khunghrante laka fimkhur a tul rualin, thinhrikna rilru erawh pu lo turin a ngen a. Ramri depa tlawmngaia duty te eitur tuihnai leh hnianghnar zawk pe tur te, damdawi leh an mamawh hrang hrang ngaihtuah tur leh tun aia uluk leh zuala vil turin Mizoram sorkar a ngen a ni.