MZU-in Vice Chancellor nghet a neih loh vanga harsatna hrang hrang sawipui

0
261
views

Vawiin khan Raj Bhavan-ah Higher & Technical Education Secretary, Pu Benjamina, Mizoram University Students’ Council leh Aizawl City College Joint Students’ Union aiawhten Larsap Lt. Gen. Nirbhay Sharma hmu-in, MZU-in Vice Chancellor nghet a neih loh avanga harsatna hrang hrang an tawhte an sawipui a. Larsap chuan zirlaite harsatna chu a hriat thiampui thu leh an harsatna hi sorkar laipuiah vawi engemaw zat a lo thlen tawh thu lo hrilhin, sorkar laipui pawhin a ngaih pawimawh avangin a bawhzui mek niin a sawi. Larsap chuan zirlaite chu an zirlai thlahthlam lo tur leh, Vice Chancellor nghet an neih loh avanga harsatna an tawhte pawh amah hriattir hmasa \hin turin zirlai hruaitute chu lo hrilhin, Acting Vice Chancellor-in \ha taka hna a thawh theih na tura \awiawm \ha turin a chah bawk a ni.

Mizoram University Non Teaching Employees Association pawhin vawiin khan thuchhuah siamin, Vice Chancellor nghet dah thuai ngiat avanga pisa an kai mumal thei lo leh, MZU zirlai leh MZU campus-a Kendriya Vidyalaya zirlaiten zirna an chhunzawm thei lo chu pawi an tih thu an sawi a. Vice Chancellor nghet ruat chungchanga thuneitute an vuaicha lutuk chu \ha lo an tih thu leh, kawng tam taka MZU zirna leh office hna-in a tuar avangin, zirlaiten Vice Chancellor nghet dah thuai tura thuneitute an ngenna chu awm an tihpui thu an sawi. Puan tawh angin Mizoram University Students’ Council chuan, Vice Chancellor nghet neih phutin kar kal ta Nilaini a\anga vawi thleng khan Mizoram University-a zirtirtu leh thawktu dangte pisa kai tur an dang a. Hei hi chhunzawm zel an la tum a ni.