Hemi atana ngenna hi NPP Legal Cell hruaituten vawiin khan an thehlut a, CEO a awm loh avangin Joint CEO, Pu Zorammuana hnenah an thil duhte an thlen a. Sorkar laipuiin inthlanna hmun hmate video camera hmanga thla la vek tura thupek a chhuah chu Mizoramah pawh tihhlawhtlin ni se, chu chu inthlan muanawm leh thianghlim a awm theihna kawng pawimawh nia an hriat thu an sawi a, an mahni lo dawngsawntu Jt. CEO, Pu Zorammuana chuan, inthlanna neih turah hian hetiang ruahmanna hi Election department chuan a siam tawh tih NPP hruaitute chu lo hrilhin, video coverage felfai tak nei tura ruahmanna siam tawh a nih thu a sawi a. Hetihrual hian polling station tina CCTV dah erawh an sum dinhmunin a tlin lova, strong room erawh chu CCTV-a cover a nih thu a lo hrilh a ni.
