Peace Accord MNF Returnees’ Association PAMRA-in Luangmuala Remna Run Lawi Hriatrengna lung an phun vawiin khan an hawng a, MNF Party aiawh te an tel lo.

0
376
views

PAMRA hruaitute hnen a\anga Zonet thudawn danin Lungphun hawnna inkhawma tel tur hian MNF Party chu aiawh intir turin PAMRA chuan an sawm a, party aiawh emaw, party hruaitu emaw tel an awm lo a ni. Kum 20 chhung zalenna suala an rammut hnuah kum 1986 June ni 30 ah MNF leh India sorkar chuan remna thuthlung an ziak a, Arakan-a an camp a\anga Mizorama lo chhuak MNF volunteer te kha an vaiin 572 an ni a, an zinga 555 te chuan kum 1986 August ni 2, vawiin angah khan Luangmuala Remna Runa hi an luah lut a ni. Remna Run lawi hriatrengna lungphun thuziak hi \awng chi 3, Mizo \awng, sap \awng leh Hindi-a ziah a ni.

Remna Run Lawi hriatrengna Lungphun hawngtu Chief Minister chuan ram buaiin mipui tan harsatna tam tak a thlen hnua remna thuthlung ziah a ni ta leh, Mizoram chu India rama state ralmuang berte zing ami a lo ni ta chu thil lawmawm tak a ni a ti a, ram tana an nunna hial lo hlantute hlutzia hriat a ngai a, ral do tura chhuak lo kir lehte tuamhlawm pawh thil pawimawh a ni a ti.

Khualzahawm Horticulture Minister Pu P.C Lalthanliana chuan rambuai laia mipui tawrhna a lo reh theih nana remna ziaktute chu fakawm a tih thu sawiin, remna run lawi ni hriat rengna lungphun phun chu thangthar te tana thil pawimawh tak a la ni zel dawn a ni a ti. Lungphun hawnna inkhawmah hian Revenue Minister Pu R. Romawia leh Cooperation Minister Pi Vanlalawmpuii Chawngthu te pawh an tel a, zalenna sualtu boral tawhte sunna hun hman a ni.