PRISM Party-in vawiin khan Aizawl South III huamchhung khaw hrang hrangah Campaign Rally an buatsaih.

0
243
views

 

An President Pu Vanlalruata chuan, PRISM Party-in thuneihna a chang a nih chuan thingtlang khaw inawpna siam\hat a, Village Council chu thuneihna sang zawk pek a ni dawn niin a sawi a. Municipal-ah Councilor-ten bial bik an nei ang hian VC member te pawh bial bik neia siam a ni dawn a. Department 20 hmalaknaah thuneihna leh mawhphurhna pein heng hi Minister ten portfolio an insem ang hian an insem thin dawn niin a sawi.

Pu Vanlalruata chuan, thingtlang khaw inawpna kalphung tur an Party-in a duan dan chuan khaw pakhatah VC pakhat chauh a awm dawn a, member awm zat milin bialah then tur niin, bial bik aiawha inthlan kalpui a ni tawh ang a, an thuneihna pawh a sang tawh dawn niin a sawi. Pu Valalruata chuan, an party-in thuneihna a chang a nih chuan khaw tina an thil hlu leh thlai chin theihna hmunte zir chiangin, an tana \ha tur Industry din a ni dawn niin a sawi a. Kuthnathawktuten thlai chin lama \an an lak thin chu a sawngbawlna tur Industry a awm loh chuan a hlawhtlinna a san loh \hin avangin hmalak a \ul niin a sawi. Prism Party-in kalphung thar an siam turah \halaite tan ham\hatna hrang hrang duan a ni tih sawiin, Pu Vanlalruata chuan, Sorkar hnuaia awm tam tak chu mimal sumdawn nan dahchhuah a ni dawn a, industry thar tam tak din a nih dawn bawk avangin kum 5 chhungin hna thar 1,50,000 aia tlem lo a piang dawn niin a sawi. An Party-in a ngaihpawimawh ber chu ei leh bara intodelh a ni a, chumi tihlawhtling tur chuan buh thar tam tura \anlak a ni dawn a, buh thartu hnenah lawmman tin khat-ah cheng 100 an pe dawn a. Buhchingtu tan hausakna kawng an hawng dawn niin a sawi. Sumchang thlai chingtu hnenah pawh, thlai thlan bikah chuan a thartu hnenah thar lawmman pek a ni dawn a, thlai danga lawmman zat tur leh a thlai tur hi chu mithiam ten an la thlan tur a ni tih Prism President chuan a sawi.

He Rally hi Aizawl South III huam chhunga khaw 14 – Samlukhai, Sialsuk, Chamring, Sumsuih, Thiak, Sateek, Aibawk, Tachhip, Muallungthu, Falkawn, Kelsih, Hualngohmun, Melriat, Melthum leh Hlimen-ah te neih niin, Prism President bakah MLA camndidate tur, Pu RL .Liantluanga, Pu SL. Ngursailova Sailo leh Secretary, Pu Saisanga Sailo, Prism |halai Vice President, Pu H. Lalremsiama ten thu an sawi bawk.