Prism President-in Pu Lal Thanzara chu ram hruaitu ni tlak ni lova an ngaih thu an pawl inkhawmah sawi

0
281
views

Prism President, Pu Vanlalruata’n MNF Local Council hnena MLA Fund pek ba lova a inngaih thu sawitu, Pu Lal Thanzara chu ram hruaitu ni tlak ni lova an ngaih thu, vawiina an pawl bengvar inkhawm inkhawmah a sawi a. Pu Lal Thanzara chu mipui rorelna palzuttu nia sawiin, MLA Local Area Development Fund hi mipui ta, mipui chanvo a ni a, induhsakna atana party mite hnena MLA Fund pek chu dan kalh niin a sawi. Mizoramah sorkar awmze nei chu awm se, a thusawi avang hian Minister hi lung ina khung tur nia a ngaih thu a sawi bawk. Pu Vanlalruata chuan, MLA LAD Fund hi MLA ten an bial chhunga hmasawnna hna an thawhna tura duan a ni a, mipui vantlang chhawr theih tur thil \ha leh \angkai siam nan chauh hman theih a ni tih sawiin, Political party te, kohhran leh mimal hnenah he fund hi pek thiang a ni lova, tun hnaia Prism-in Minister pahnih – Aizawl North III bialtu MLA, Pu Lal Thanzara bial leh Aizawl South III bialtu MLA, Pu KS Thanga biala MLA LAD Fund hmanga hnathawh an enfiah chinah dan kalha hnathawh a tam zawk niin a sawi bawk. He inkhawm hi Prism Advisory Board member, Pu H. Vanlalhlua’n a kaihruai a ni.