Ravi Gulgulia hnen atangin MNF-in thawhlawm dawng lo, Ramu Gulgulia erawh chuan MNF-ah nuai 1 thawh

0
447
views

MNF Treasurer, Pu Vanlalzawma MLA-in Zo Carbon neitu, Ravi Gulgulia hnen a\angin MNF-in pawisa a la nia Minister, Pu Zodintluanga’n a sawi chu a hriat sual niin vawiina Mizo Hnam Runa chhung inkhawmah a sawi a, Ravi Gulgulia hnen a\ang hian an party-in thawhlawm a dawng lo nia sawiin, Ramu Gulgulia erawh chuan 2013 inthlan dawn khan MNF Party-ah thawhlawm thawh ve a duh thu sawiin, cheng nuai 1 a thawh ve niin a sawi. Khatih lai khan Zo Carbon chungchang hi sawi rik a la awm lo hrim hrim niin Pu Vanlalzawma chuan a sawi bawk. He inkhawmah hian MNF President, Pu Zoramthanga pawhin thusawiin, Party hrang hrangin thawhlawm an dawng vek a, an party office-ah pawh hian mi zawng zawng hmuh theihin thawhlawm thawhte hming \henkhat chu an tar niin a sawi a, heti chunga Minister pakhatin vanpui a chim ti ni awm taka puan chiam mai chu a sawi tur hriat loh thlak hle niin a sawi. MNF President chuan helam leh khu lamah Congress chu an buai takzet nia sawiin, ZNP President, Pu Lalduhawma’n kumthar thuchah a sawia Pu Lal Thanhawla-ten BJP zawm an hnial lo tih a sawi chhang ngam lo-ah Pu Lal Thanhawla chu a puh a, India leh Mizorama thil thleng zawng zawng chu Congress tana \ha lo lam vek nia sawiin, kum 9 chhung kawng chhe tawh pawh MNF vangah CM-in a puh a, puh tur a zawng rau rau a nih chuan Pu Ch Chhunga sorkar te, Brig. T Sailo sorkarte pawh puh law law awm nia a ngaih thu a sawi bawk. Mizo Hnam Runa inkhawm hi MNF General Secretary, Pu C. Tawnvela’n a kaihruai a ni.