Seling-Tipaimukh kawng, National Highway 150-in Sesawng leh Khawruhlian inkara Tuirini lui a kannaa lei hman lailawk tur dawh zo

0
482
views

Seling-Tipaimukh kawng, National Highway 150-in Sesawng leh Khawruhlian inkara Tuirini lui a kannaa lei hman lailawk tur dawh, tun thla ni 12-a tuilianin a tihchhiat hnuah motor-in Tuirini lui a kan theihna tur thing lei vawiin khan dawh zawh a ni a, he leiah hian Sumo chin hnuai lam zawng zawng kal kai tir theih a ni.
Chalfilh Group YMA hruaitute hnen a\anga thudawn danin he thing lei hi PWD lei dawh lailawk zawma thing hmanga dawh a ni a, a sei zawng hi feet 70 vel a ni a, a dawh hna hi Chalfilh Group YMA leh Tuivawl bialtu MLA, Pu RL Pianmawia ten an thawk a, vawiin chawhnu dar 2 khan motor te chi chitin kal theiha hawn a ni. YMA hruaitute chuan he lei hi tlo taka hman a nih theih nan a zawhtu motor te chu zawi deuh leh fimkhur taka tlan turin an ngen a ni. Hetihlai hian he lei thlang lama thirlei dawhna tur atana lui kam tawn tawna lei innghahna Abutment chhun hna chu zawhfel tawh a ni a, hei hi tunkar chhung nghah char leh phawt a ngai dawn a, karleh a\angin thir lei dawh hna chu PWD mechanical division-in riahchilhin ngawrh takin a dawh \an dawn a ni. Lui kuang chhunga lei dona tur ban lian Pier chhun hna pawh kar hmasa lam khan zawhfel a lo ni tawh bawk a ni.