Vawiin khan Synod Press-in khawl thar a neihte chu Pathian hnenah hlan a ni a, a hlanna inkhawm hi PRESCOM General Manager, Upa R. Lalmalsawma’n a kaihruai a, Synod Press Manager, Pu Lalhruaitluanga Ralte-in khawl thar chanchin a sawifiah a. Synod Executive Secretary, Rev. P.C. Pachhunga’n khawl tharte chu Pathian hnenah a hlan a ni. Synod Press-in khawl thar a neihte chu – Color Printer, Offset khawla chhut tham si loh lehkhabu kawm leh certificate leh thil dang te, color a chhutna te, Digital Duplicator, thil chhah deuh pawh chhut theihna te, Auto Creaser, lehkhabu kawm keu nawm nana creasing siam nan te, lehkha pawh bun awlsam nana chhun chikna atan leh sticker paper half-cut nante-a hman theih, Comb binder, project report te, photo album te, calendar te leh thil dang phuah khawma thuina leh, Laminator, lehkha pawimawh leh certificate te him taka dah that a nih theih nana sarang fim hmanga tuam thatna khawlte a ni.
