Tun hnaia Assembly Speaker hova MLA rual thukhawmin COVID 19 dona atan CM Relief Fund bakah State sorkar sum tam zawk hman ni se, budget a sum ruahman sa pawh a tul anga siamrem ni thei se tih an rel chu MPC party in Sorkar tihmualphona a ni an ti.

0
12
views

He thurel hian Mizoram sorkar dinhmun chiang taka a tarlan piah lamah Finance changtu Chief Minister an rintawk loh zia a tarlang tih an sawi a. Speaker hoa rorel chu ngaipawimawh tura Mizoram sorkar chu ngenin, State budget chu Covid-19 do nan hmang ngam se an duh tih an sawi.

MPC hian, ramri vengtuten hmanrua an neih that tawk loh thu Speaker hova thutkhawmnaa sawichhuah a ni chuan ramri vên kawnga sorkar chak lohzia a tarlang a ni, an ti. ZPM Legislature Party Leader, Pu Lalduhoma’n CM Relief Fund-a MLA hlawh leh MLA Fund chhunluh chungchanga an thutlukna zûk leh tum niawma thu a sawi chu tha lo an tih thu MPC hian an sawi a. Nimina thuchhuah a siamah Speaker hova an rorel chungchangah ‘tuna kan hmalakna chinah hian duhtawk rih ila’ tia chhuanlam a siam kual leh chu a mak hle a ni an ti a. An lo rel tawh angin ZPM MLA-te chuan an hlawh atanga zaa 30 leh MLA Fund nuai 50 CM Relief Fund-ah an chhunglut ngei tur a ni tih chu an ngaihdan a nih thu an sawi.