Tut lui kanna tur lei hawng

0
463
views

Mamit District-a Tut lui kanna Pre-Stressed Concrete Bridge dawh zawh tak chu a chak zawng enfiah a nih hnuah nimin atang khan Motor chi tin kal theiha hawn a ni leh ta. He RCC lei hi dawh thar hi Matic ton 70 a rit phur zo tura ngaih a nia, a chak dan enfiah tur hian Mizoram PWD chuan Mechfad Engineering Industries Pvt. Ltd. Gauhati a ruai a, he Company-a mithiamte chuan lei hi kharin a chak zawng hi tun thla ni 3 atang a ni 6 thleng khan an enfiah a, hemi chhung hian thil dik lo hmuh chhuah a awm lo ni a thudawn a ni a, amaherawhchu an test result hi Official-a puanchhuah a la ni rih lo a ni. PWD hotute sawi dan in he lei dawh hna hi Tantia Construction Company in an thawk a, tun hmalam khan Tut lui-a thir lei, Bailey Bridge chak tawk loh vangin khawtlang lama Motor lian veivak tan harsatna a thleng thin a, tuna dawh zawh a nih hnuah hian awlsamna a awm dawn ta niin an sawi a ni. Hetih lai hian Bairabi atanga Mamit District panna kawnga Tlawng lei pawh dawhzawh tawh a ni a, PWD hotute sawi danin he Pre-Stressed Concrete Bridge pawh hi tone 70 dawl zo tur a dawh a ni a, tunah hian Motor zawh theihin siam ni tawh mah sela hawn tak tak a la nilova, lei chak zawng pawh Test a la ni lova, lei bula lei panna kawng km chanve vel siamthat hna thawh mek chu khaw awm danin a zir loh avangin zawh fel a la ni lo bawk a ni.