Agriculture Minister hian, pangang puang vanga harsatna nasa zawk a thlen loh nan Department chuan theihtawp a chhuah zel a, hetihrual hian mipuite pawh pangang inthlanpung zel tur ven kawngah mahni zawn \heuha theihtawp chhuah turin a ngen a. Tuna pangang puang mek hi tihrem a nih chuan hun lo kal zel turah pawh ven theih a nih a beisei tih a sawi.
Agriculture Department chhinchhiah danin pangang puang hian District zawng zawng a tuam kim tawh a. A hluar nasatna ber Lunglei District-ah chuan ram Hactare 501-a chhungkaw 2,504 vaimim hmun a khawih tawh a. Hei bakah hian Serchhip District-a ram Hactare 400-a chhungkaw 420, Aizawl District-a ram Hactare 380-a chhungkaw 458, Mamit District-a ram Hactare 319-a chhungkaw 551, Siaha District-a ram Hactare 222-a chhungkaw 361, Champhai District-a ram Hactare 110-a chhungkaw 589 leh Kolasib District-a ram Hactare 92-a chhungkaw 443-te vaimim a khawih tawh a ni.
