West Phailenga MZP Sub-headquarters-in nimin khan an khaw zirlaite tan Career Guidance leh Educational Campaign a buatsaih. Hetah hian West Phaileng BDO, Pu Lalhmingliana’n an hmalam hun atana an hriat tur pawimawh hrang hrang a hrilhfiah a, zirlaite chu tum mumal tak nei tur leh chumi tihhlawhtling tura theitawp chhuah turin a fuih a ni. He zir honaah hian West Phaileng khaw chhunga pawl 7 leh a chung lam zirlai leh zirtirtute, VC, YMA leh Department hotute an tel a ni.
