Zawlnuam MZP-in vawiin khan an huam chhunga dan lova hnamdang awmte an enfiah. Hemi hnua thuchhuah an siamah Zawlnuam MZP chuan, hnam dang ILP nei lo mi 18 leh an permit thi tawh 10 an hmuh chhuah thu an sawi a, heng mite hi Zawlnuam Police-ah an hlan nghal vek thu sawiin an huam chhunga dan lova hnamdang awm te dap chhuah hna chu an chhunzawm zel dawn tih an sawi. MZP chuan, Zawlnuam Police Out Post-a Officer Incharge Pu Vungzamuana SI kumin February ni 12-a sawn chhuah aiawhtu tur sorkarin tun thlenga a la dah loh avangin Zawlnuam leh a chhehvel khua ten harsatna an tawk niin an sawi a, Zawlnuam chu Inter State Boundary-a awm a nih avang leh pawikhawihna chi hrang hrang thlen tamna a nih avangin Officer Charge la thei tur Zawlnuam Police Outpost a dah thuai turin sorkar an phut bawk.
