Zonet Original TV Series tur “0389” tih chu July thla-a chhuah \an turin hmalak chhoh mek a ni.

0
1778
views

He TV serial hi Zonet leh Believing is Seeing Projek (BISP) te \angkawp siam tur a ni a, Mizo TV serial hmasa ber tura ngaih a ni. 0389 hi Zonet ah chauh chhuah tur a ni dawn a, Episode 12 vel tura beisei a ni. He serial a changtu turte buaipui mek an ni a, tun thla tawpah shooting \an tum a ni ang. A hming 0389 a nih angin Aizawl nunphung behchhana chan tur a ni.

He serial thar tur chungchangah hian Zonet General Manager, Pu LV Lalthantluanga chuan “Mizo ten hnamdang serial lehlin an en nasa a, hmuhnawm an tih leh an ngainat zawng a nih avangin he project hi a hlawhtlin hle a beisei tih a sawi a, thawhpui \ha tak BISP an nei tih sawiiin serial hmuhnawm tak buatsaih thei turin theihtawp an chhuah mek tih a sawi. BISP Producer/Director Raymond Colney chuan \hian tha leh an zirpui \hin ten career \ha tak tak an thlan sap sap laia Mizoram a eizawnna ber atana tlak loh nia mite ngaih \hin filmmaking lam a zir chhoh \antirh atanga a lo mitthla \hin, Mizo original Tv Series, Zonet nen \angkawpa an siam thei tur chu mumang a ang lek lek zawk a ni a ti a, Zonet inphalna leh Mizoram media hmasawnna atana hma thlir thui tak an neih avangin Believing Is Seeing Projek te an lawm takzet tih a sawi.

Filmmaking leh Acting lama tui tam takte tana career siam sak chu an pawl tum lian tak a ni tih Raymond Colney chuan a sawi a, Mizoram ah film culture dik tak leh industry workflow a taka kalpui chu an tum ber a ni tih a sawi. Tuna an serial siam tur ah hian Zonet, Kings & Prophets leh BISP Film School graduates te an thawkho a, Mizo te tana film leh a kaihhnawih en tur tam zawk siam chhoh zel an tum tih a sawi.