Zoram Medical College-a COVID-19 natna vanga hun rei tak enkawl tawh chu naktukah Damdawiin atanga chhuahtir a ni tawh dawn tih Health Minister Dr R Lalthangliana’n a sawi.

0
17
views

Mizoramin Covid-19 kai damlo a neih chhun hi a sample test a negative vek tawh hnuah a taksa in hma a sawn zel a, harsatna engmah a neih tawh loh avangin a dam fel tawha ngaih a ni a. Naktuk hian ZMC damdawiin atangin chhuah tir a ni tawh dawn a, Health Minsiter hian Mizoram chhung leh pawna mi tam takin an tawngtai sakna vang leh ZMC a amah enkawltu daktawr, nurse leh damdawiin staff zawng zawngte thawhrim rah a ni, a ti. Damlo hi March ni 24 zanah ZMC ah hian dahluh a ni a, vawiin hi a ni 46-na a ni tawh a ni.

Dr R Lalthangliana hian Kolkata Mizoram House-a awm COVID-19 vei hlauhthawn thila Quarantine Facility-a dah mi 17 te sample test result pawh a negative vek a ni, a ti a. A hma a sample test result pahnih negative nen an vain mi 19 an negative tawh tih a sawi. Mumbai Mizoram House-ah pawh cancer vei damlo pakhat leh House thawk hnamdang mi pakhat positive case neih mek te bak midang zawng chu an negative vek tawh tih a sawi bawk.