ZPM-in thuchhuah siamin tun hnai khan Luangmual West Congress Unit hruaitu pahnih chu Lungmual ZPM Local Steering Committee Chairman, Pu C. Lalringliana inah lengin ZPM chhuahsan turin an thlem a, hemi atan hian Contract lian tham deuh pek an tiam niin an sawi a, hetiang hi tun hnuah thleng nawn tawh lo se an duh tih an sawi.

0
224
views

An thuchhuah tarlan danin, ZPM Candidate, Pu Lalduhoma chu tuna Congress candidate hmanga titla zo dawna an inhriat loh avangin Pu Lalduhoma hi a tlak theih nan MNF candidate, Pu K. Sangthuama pawh pui mai turin Congress Unit hruaitute hian an thlem niin an tarlang a. Hei mai bakah hian MNF party pawhin Pu Lalduhoma Pu Lal Thanhawla chu a ruka \angrual a, inremna nei anga sawiin dawt an vawrhdarh mek niin an tarlang a. Hetiang hi thil awmdan a nih mek laiin Congress leh MNF chu ruka inthurualin Aizawl West-I biala ZPM Candidate, Pu Lalduhoma a tlal theih nan hma an la zawk niin an sawi a, hemi chungchanga an hmalak dan chu ZPM chuan a dem takzet tih an sawi a ni.